Bill Bryson "Deyarli Hamma Narsaning Juda Qisqa Tarixi" PDF

Quyosh Tizimiga Xush Kelibsiz Koinotda bizdan boshqa “o‘ylaydigan” mavjudotlarning bor bo‘lish ehtimoli statistik jihatdan juda yuqori. Somon yo‘lida nechta yulduz borligini hech kim bilmaydi: taxminlar 100 milliarddan 400 milliardgacha o‘zgaradi. Bundan tashqari, Somon yo‘li 140 milliarddan ortiq galaktikadan atigi bittasidir va bu galaktikalarning ko‘pi biznikidan ham kattaroqdir. ... Lekin eng ehtiyotkor hisob-kitoblar bilan ham, faqat Somon yo‘lidagi rivojlangan sivilizatsiyalar soni millionlab bo‘ladi. Afsuski, koinot nihoyatda ulkan bo‘lgani uchun, bu sivilizatsiyalardan har qanday ikkitasi orasidagi masofa kamida ikki yuz yorug‘lik yili deb taxmin qilinadi: bu esa dastlab eshitganimizdan ancha katta masofadir. Demak, bu mavjudotlar bizning bu yerda ekanligimizni bilishsa va faraz qilaylik, bizni teleskoplari bilan ko‘ra olishsa ham, ular Yer sayyorasidan ikki yuz yil oldin chiqqan yorug‘likni ko‘rishmoqda. Ya’ni, ular sizni va meni ko‘rmaydi. Shunday ekan, aslida yolg‘iz bo‘lmasak ham, amalda yolg‘izmiz. Ruhoniy Evansning Koinoti Qutb yulduzi o‘tgan yanvar oyida yoki 1854-yilda yoki o‘n to‘rtinchi asrning boshlaridan boshlab istalgan vaqtda so‘nib qolgan bo‘lishi mumkin, lekin uning o‘lim xabari hali bizga yetib kelmagan. Aniq ayta oladigan yagona narsa — 680 yil oldin ham u hali yonib turganidir. Ruhoniy Evans teleskopi bilan topgan narsalar... Buning qanday g‘alaba ekanini tushunish uchun, oddiy bir ovqat stolining usti qora dasturxon bilan yopilganini va stolning o‘rtasiga bir changak tuz sepilganini tasavvur qiling. Sochilgan tuz donalari bir galaktika deb o‘ylansa bo‘ladi. Endi shunday ming besh yuzta stol borligini tasavvur qiling: masalan, bir Wal-Mart avtoturargohini to‘ldiradigan yoki bir qator qilib terilganda 3,2 kilometr uzunlikda bo‘ladigan chiziq hosil qiladigan darajada. Har bir stol ustida ham tasodifiy sochilgan tuz donalari bo‘lsin. Endi istalgan galaktikaga yana bitta tuz donasi qo‘shing va Robert Evansning stollar orasida yurishini kuting.