Agatha Christie “Qotillik Alifbosi”

Bir kuni detektiv Payrotga qotillik sodir bo‘lishi haqida xat keladi. Bu odam qurbonlarini va shaharlarini alifbo tartibida tanlaydigan ketma-ket qotildir. Xatda, qotillikni qayerda va qaysi sanada sodir etishini yozib, masxara qiladi. Do‘sti Xastings bilan birga tekshirganlarida, buni aqldan ozgan odam deb o‘ylashadi. Dastlab jiddiy qabul qilinmagan xat, qotillik sodir bo‘lgach, ahamiyati ayon bo‘ladi. O‘lgan odam Andoverda yashagan xonim Ascher edi. Boshi og‘ir zarbadan o‘lgan Ascherning qotili u yerda ABC poyezd jadvalini qoldirgan edi. Shundan so‘ng, ular uning spirtli ichimlikka ruju qo‘ygan erini so‘roq qilishadi va jiyanining oldiga borishadi. Savdogarlar bilan gaplashganlarida, qotillik eng gavjum vaqtda sodir bo‘lgani uchun u yerdan ham biror iz topa olishmaydi. Voqea endi asta-sekin odamlarning yodidan chiqib borayotgan edi, Bexhillda rejalashtirilgan qotillik xati keladi. O‘z qobiliyatlari bilan maqtanadigan qotil, Elizabet Barnardni sohil bo‘yida ayolning o‘z belbog‘i bilan bo‘g‘ib o‘ldiradi va yana ABC poyezd jadvalini u yerda qoldiradi. Keyin uning ishlaydigan joyiga va oilasining oldiga borishsa ham, qo‘lga ilinadigan ma’lumot topa olishmaydi. Ikki qotillik orasidagi yagona umumiy jihat — ABC poyezd jadvali bo‘lishidir.