Mehmed Paksu — "Ayol va Oila Ilmihali — Baxtli Bir Oila Uchun" PDF

Oila hayotida baxt va osoyishtalikni qanday topishimiz mumkin?
Nima qilsak baxtli va osoyishta bo‘lamiz?
Boshqalarda ko‘rib havas qilganimizdek oila hayotiga qanday erishish mumkin?
Avvalo, hamma narsaning boshida ilm turadi. Ilm — saodatning kaliti, osoyishtalik manbai. Eng barqaror bilim esa diniy bilimdir. Ushbu kitobda keltirilgan ma’lumotlar, javoblar, yechim takliflari birinchi darajada Qur’on va sunnatdan olingan; ikkinchi darajada esa islom olimlarining sharh va izohlaridan jamlangan.
Kitobning dastlabki bo‘limlarida keltirilgan mavzular to‘g‘ridan-to‘g‘ri oilani qamrab oladi. Eru xotin o‘rtasida yuzaga keladigan kelishmovchilik va nizo, tashvish, muammolar, bolalarni tarbiyalashda uchraydigan qiyinchiliklar, qarindoshlar o‘rtasida yuzaga keladigan muammolar, ijtimoiy hayotda uchraydigan turli qiyinchilik va muammolar ko‘rib chiqilgan.