Ömer Sevinçgül — "Har bir Harfni Bir Farishta Kutadi" PDF

Ha, kechirasiz. Oradan ancha vaqt o‘tdi, yozmadingiz. Qanday g‘alati odamsiz siz. Hech o‘zingizni himoya qilmadingiz. Koshki, tilingizga kelganini aytsangiz, jahlingiz chiqib, g‘azablansangiz. Odobsizligimni, uyatsizligimni yuzimga tashlasangiz. O‘shanda yengil tortardim. Lekin yo‘q, jim qoldingiz. Meni o‘zim bilan yolg‘iz qoldirdingiz. O‘zimga qarshi sizni himoya qilish ham menga to‘g‘ri keldi. Sizga aytganlarimning yuz barobarini o‘zimga aytdim, ishonasizmi. Bir haftadan beri o‘zim bilan kurashyapman. Bu bir taktika edimi? Sizdan qo‘rqish kerak! Qarang, hali ham sizni ayblayapman. Bilmayman, meni kechira olasizmi. Uyalaman. Menga javob bermaslik huquqiga egasiz. Menga vaqt ajratgan, meni tushunishga harakat qilgan, shuncha ishingiz orasida menga e’tibor bergan insonga nimalar dedim-a! Lekin biroz ranjidim, rostini aytsam. Meni shunchalik oson tashlab ketganingizga ya’ni..
(Taqdimot Byulletenidan)