VIII Bölüm: Dedektiv və Gölün Sirri

Qız daha gözləməyin mənasız olduğunu anladı. Artıq nə baş verəcəksə, yalnız onun öz addımlarına bağlı idi. Dərin nəfəs alaraq meşənin sıx ağacları arasından öz yolunu tapmağa başladı.

Bir müddət sonra qarşısına qəribə bir qadın çıxdı. Qadının gözlərindəki sərtlik və ətrafını diqqətlə süzməsi onun adi biri olmadığını göstərirdi. Üzərindəki dəri gödəkcə və əlinin cibində gəzişməsi onun silahı olduğunu hiss etdirirdi. Bu, təsadüfi biri deyildi – dedektiv idi.

Dedektiv qızın yaxınlaşdığını gördü və dayanıb danışmağa başladı.
 – Sən kimsən? Bu meşədə nə gəzirsən? Tək başına buralarda dolaşmaq təhlükəlidir.

Qız təbəssüm edərək ona yaxınlaşdı. İndi onun planı fərqli idi. Güc tətbiq etmək və ya təhdid etmək yox, sadəcə qadını öz cazibəsi ilə aldadıb tələyə salmaq istəyirdi.

– Mən yolumu itirmişəm, – dedi incə bir tonda. – Gölə doğru getmək istəyirdim, amma azmışam. Siz kömək edə bilərsiniz?

Dedektiv bir anlıq tərəddüd etdi. O, qızın səsində bir hiylə hiss etmədi, amma ehtiyatı da əldən vermədi.
 – Mən də burada bir iş üçün varam, amma sənə yol göstərməyə vaxtım var. Göl bu tərəfdədir. Gedək, mən sənə göstərərəm.

Qız sakitcə başını tərpədib dedektivin yanında addımlamağa başladı. Gölə çatanda artıq hər şey hazır idi. Gölün kənarında ay işığı suların üzərində yavaşca rəqs edirdi.

– Bax, dedim ki, bu tərəfdədir, – dedektiv sözünü bitirən kimi qız onu qəfildən boğazından tutub yerə yıxdı. Qadının silahı çətinliklə əlinə çatdı, amma qız ondan daha sürətli idi. Bir anlıq mübarizə davam etsə də, dedektiv üstünlük qazana bilmədi.

Dedektiv yerə düşdü və qız sakitcə onun hərəkətsiz bədəninə baxdı. Ürəyində heç bir tərəddüd yox idi – bu, onun güc yolunda yalnız bir addım idi.

Axşam xəbərlərində vəhşiliklə dolu bir xəbər yayıldı:
“Bu gün gecə bir dedektiv göl kənarında qətlə yetirilib. Silsilə qatilin yeni qurbanı olduğu ehtimal edilir. Cani hələ də azadlıqdadır və təhlükə davam edir...”

Son

Geri qayıt