VI Bölüm: Zamanın Sınağı

Şeytan ətrafdakı qaranlığı sanki zövqlə seyr edirmiş kimi qızın yanında addımladı. Qaranlıq meşənin dərinliklərindən bir külək əsdi və qızın üzündəki saçları dalğalandırdı. Şeytan bir anlıq dayandı, qızın gözlərinin içinə baxaraq səsini alçaltdı:

– Sən qəribəsən, insan. Həm güc istəyirsən, həm azadlıq. Həm idarə etmək istəyirsən, həm də azad olmaq. Amma unutma, güc yalnız zamana təsir etməklə mənasını tapır. İndi isə diqqətlə dinlə. Sənin seçimin yalnız bir dövrə təsir edə bilər.

Şeytan əlini göyə qaldırdı, qaranlıqda sanki bir portal açıldı. Portaldan görüntülər bir-bir axmağa başladı. Şəhərlər, insanlar, müasir dövrün qarışıqlığı. İnsanlar telefonlarına baxaraq küçələrdə dolaşır, böyük qurumlar insanları manipulyasiya edir, vədlər və qorxular arasında qərar verməyə məcbur edir. Şeytan qızın yanına əyildi və əlini onun çiyninə qoydu:

– Əgər indi seçsən, müasir dövrə təsir edə bilərsən. İnsanlar səni dərhal hiss edəcək. Onların qorxularını oyada bilərsən və ya onların ehtiyaclarını istismar edərək özünə xidmət etdirərsən. Onlar sənə tabe olacaq. 

Portal dəyişdi, indi uzaq gələcəyin görüntüləri peyda oldu. Robotların və insanların birlikdə yaşadığı, texnologiyanın hakim olduğu bir dünya göründü. Şeytan əlini yellədi və görüntülər yavaş-yavaş solğunlaşdı.

– İkinci yol isə gələcəkdir. Sən birbaşa inkişaf etmiş dövrlərdə yaşayaraq robotların beynini dolduracaq, süni intellektlərə virus salacaqsan. Elə edəcəksən ki, onlar insanlara nifrət eləsin.

Şeytan bir addım geri çəkildi və səsi daha alçaldı, lakin daha dərin və cazibədar oldu:
 – İndi seç. İnsanların dərhal gözündə qüdrətli olmaq istəyirsən, yoxsa gələcək nəsillərin taleyini pisləşdirməyi? İkisi də güclüdür, amma ikisi də ağır bir bədəllə gəlir.

Qız bir anlıq donub qaldı. Müasir dövrün aldadıcı cazibəsi, yoxsa gələcəyin dərin gücü?

VI Bölüm Sonu

Oxucuya müraciət:
“Şeytan qıza iki yol göstərdi: Müasir dövrə təsir edərək dərhal güc əldə etmək, yoxsa gələcək nəsillərin taleyinə məhv etmək. Hər iki seçim fərqli bir dünya yaradacaq. Sən hansı yolu seçərdin?”

Seçim et

Dərhal güc

Gələcəyi məhv