VII Bölüm: Qəribə Kitabın Sirləri - Son

VII Bölüm: Qəribə Kitabın Sirləri

Oğlan şamın titrəyən işığı altında kitabı əlinə götürdü. Onun üz qabığında qızılı simvollar vardı. Simvollar sirli bir dilə bənzəyirdi, amma sanki onların mənasını başa düşəcəkdi. Əsəbi və maraqlı halda kitabın ilk səhifəsini açdı. Səhifələr köhnə idi, amma toxunduqca isti bir enerji hiss olunurdu.

Kitabın içində yazılmış ilk sözlər onu dərindən düşündürdü:
“Hər başlanğıc bir seçimin nəticəsidir. Hər seçim isə başqa bir başlanğıc yaradır.”

O, kitabın səhifələrini çevirib oxumağa davam etdikcə fikirləri qarışmağa başladı. Sanki bu sözlər birbaşa ona yazılmışdı. O, özünü kitaba qapılmış hiss etdi, amma içində bir narahatlıq vardı.

Yağışın ritmik səsləri onun beynində səslənirdi. İradəsini sındıran o yağış... Onun əsəblərini alovlandırırdı. Əlini kitabın səhifəsindən çəkib pəncərəyə baxdı və qaşqabağını tökdü.

– Niyə yağış yağdı? – qəzəblə dedi. – Allah, niyə bu yolu mənə göstərdin? Kaş ki, o səsin arxasınca gedərdim. Niyə məni buraya göndərdin?!

Onun sözləri boş divarlarda əks-səda verdi. Oğlan ətrafa göz gəzdirdi, amma cavab ala bilmədi. Nə kitab, nə də bu köhnə bina onun suallarına cavab verə bilərdi.

Elə bu anda arxa fonda qəribə bir səs eşidildi. Çoxdan işləmədiyini düşündüyü köhnə televizor bir anda işə düşdü. Ekranda qarışıq təsvirlər var idi, amma səs aydın idi. Bir xəbər spikeri danışırdı:

– “Silsilə qatil hələ də azadlıqdadır. Öldürdüyü qurbanların sayı artıq 27-yə çatıb. Qurbanlar arasında fərqli yaşlardan insanlar var. Onun növbəti addımı naməlumdur...”

Oğlanın nəfəsi daraldı. Şamın alovu titrəyirdi, sanki onun içindəki narahatlığı hiss edirdi. O, bir neçə saniyə tam hərəkətsiz dayandı. Əlləri kitabın üzərində qalmışdı, amma fikri artıq tamam başqa yerdə idi.

27 qurban... və bu qatil hələ də azadlıqda idi. Yağış yenidən şiddətləndi. Çölün səsi ilə televizordan gələn xəbərin səsi qarışdı.

Oğlan dərin bir nəfəs aldı. Bu kitabın içində, bu yağışın altında və bu qəribə hadisələrin içində olmaq – hamısı sanki onun üçün xüsusi bir mesaj idi. Amma bu mesaj nə demək idi, bunu hələ başa düşmürdü.

Son

Yenidən başla