"Miçəklər tanrısı" kitabı seriala çevrilir

Nobel mükafatı laureatı britaniyalı yazıçı Uilyam Qoldinqin yazdığı dünyaca məşhur “Milçəklər tanrısı” əsəri seriala çevrilir.

Əsəri ekrana BAFTA mükafatlı ssenarist Cek Torn gətirəcək.

Hər biri bir saat davam edən 4 hissədən ibarət serial BBC One-da yayımlanacaq.

1954-cü il yazılan romanda kimsəsiz adada qalan bir qrup yeniyetmənin yaşamaq uğrunda mübarizəsindən bəhs edilir.

Roman ilk dəfə 1960-cı illərdə rejissor Piter Bruk tərəfindən bir neçə film adaptasiyası alıb. Və təxminən 30 il sonra, 1990-cı ildə yenidən onun əsasında başqa bir film çəkilib.