Sigmund Freyd hayoti: Ehtimol bilmagan 15 ta fakt

Sigmund Freyd hayoti: Ehtimol bilmagan 15 ta fakt

Psihoanaliz asoschisi, tush talqinining otasi, itlar bilan terapiyaga ishonuvchi, sigara (puro)ga o‘rganib qolgan va 62 raqamidan qo‘rqadigan inson... Mana Sigmund Freyd hayotidan hayratlanarli tafsilotlar:

Sigmund Freyd kim?

1856-yil 6-mayda, hozirgi Chexiya hududidagi Pribor shahrida tug‘ilgan. U shifokor bo‘lgan va psihoanaliz usulini ishlab chiqqan. Uning fikricha, insonlarning xatti-harakatlari asosan ongsiz istak va ziddiyatlardan ta’sirlanadi. O‘sha davrda uning g‘oyalari yetarlicha jiddiy qabul qilinmagan bo‘lsa-da, bugungi kunda ham tadqiq qilinadi va muhokama qilinadi.

---

1. Terapiya iti Jofi

Freyd seanslarida Jofi ismli itni yonida olib kirardi. U bemorlarning o‘zini erkin his qilishiga yordam beradi, deb ishonardi. Jofi seanslarning davomiyligini ham o‘rganib olgan edi. U o‘rnidan turganida, Freyd vaqt tugaganini bilardi.

---

2. Raqam fobiyasi

U 62 raqamidan jiddiy qo‘rqardi. Shu yoshda vafot etaman, deb o‘ylardi (lekin 83 yoshgacha yashadi). Shu sababli, 62 raqami bor hech qanday mehmonxona xonasida qolmagan.

---

3. Tizimlilikka o‘chlik

Hayoti qat’iy tartibda o‘tardi. Har kuni bir vaqtda ovqatlanar, bir xil yo‘ldan yurib, so‘ng seanslarini davom ettirardi. Tovuq go‘shtini yoqtirmas, qizil go‘shtni yaxshi ko‘rardi.

---

4. Mashhur divan sovg‘a bo‘lgan

Bemorlarini yotqizib tahlil qilgan o‘sha mashhur divan, bemorlaridan biri tomonidan sovg‘a qilingan. U odamlar yotganida o‘zini erkinroq his qilib gaplashishini payqagan edi.

---

5. Kuniga 20 ta puro chekardi

Og‘ir puro (sigara)ga o‘rganib qolgan edi. Bu odati sabab jag‘ida o‘sma paydo bo‘ldi va yillar o‘tib shu o‘sma uning o‘limiga sabab bo‘ldi. Oxirida morfin bilan hayotiga nuqta qo‘yishni so‘radi.

---

6. Juda oz kiyimi bor edi

Garderobida atigi 3 ta kostyum, 3 juft ichki kiyim va 3 juft poyabzal bor edi. Ko‘proq olishni keraksiz deb hisoblagan.

---

7. Kokainga davolanishga urinish

Ko‘pincha migren azobidan qiynalardi. Kokaindan og‘riqni kamaytiradi, deb o‘ylab, bir muddat uni ishlatgan. Bir paytlar unga o‘rganib ham qolgan.

---

8. Natsistlar tahdidi ostida

Natsistlar uning kitoblarini yoqib yuborgach, uyiga bostirib kirib, qizi Annani hibsga olishdi. Yahudiy bo‘lgani uchun nishonda edi. Malika Mariya Bonapart yordamida rafiqasi va qizi bilan qochishga muvaffaq bo‘ldi. Biroq to‘rt opa-singlisi konslagerda bedarak yo‘qoldi.

---

9. Bir nechta tilni bilar edi

Nemis va ingliz tillaridan tashqari, ispan tilini ham bilgan. Don Kixotni asl nusxasida o‘qish uchun yoshligida o‘rgangan.

---

10. Mussoliniga maktub yozgan

Ba’zilar Freyd Mussoliniga qoyil qolgan deb o‘ylashgan. Lekin Freyd unga, Eynshteyn bilan birga, "Warum Krieg?" (Nima uchun urush?) nomli maktub yuborib, urushga qarshi ekanini bildirgan.

---

11. Oydagi krater

Oyda Freyd nomi bilan ataluvchi kichik krater bor. Diametri taxminan 2 kilometr.

---

12. Nobelga nomzod bo‘lgan, lekin olmagan

12 marta nomzod bo‘lishiga qaramay, Nobel mukofotini hech qachon olmagan. Sababi: ba’zi olimlar uning nazariyalarini ilmiy deb hisoblamagan.

---

13. Arxeologiyaga qiziqqan

Taxminan 2000 ta qadimiy buyum to‘plagan. Bugungi kunda bu kolleksiya Londondagi Freyd muzeyida namoyish etiladi.

---

14. Freyd va gazlar

Freyd odamlar nima uchun ichak gazini chiqarishdan uyalishini ham o‘rgangan. Uning fikricha, bu uyat insonlarning ichki hayvoniy tomonini inkor qilishga urinishdan kelib chiqqan.

---

15. Merosi nima bo‘ldi?

Bugun Freydning ko‘plab nazariyalari zamonaviy psixologiyada o‘z ahamiyatini yo‘qotgan bo‘lsa-da, inson xatti-harakatlari ortida ongsiz jarayonlar yotadi degan fikr hanuz juda muhim. His-tuyg‘ular, istaklar va bosilgan fikrlar... Freydning merosi ana shu chuqurlikda yashiringan.

Sizni eng ko‘p hayratlantirgan ma’lumot qaysi bo‘ldi: