Vehbi Koç Hikoya Qiladi - Kollektiv

“Yashagan voqealarning yorug‘ida, yashalajak yangi bir asr sari...”

Vehbi Koçning 1972 yilgacha bo‘lgan hayotini o‘quvchilarga taqdim etgan birinchi kitobi “Hayot Hikoyam” 1973 yilda chop etilgan. 1970-yillarning boshidan boshlab boshidan kechirgan kunlari, ish va hayot tajribalari esa 1987 yilda nashr etilgan “Xotiralarim, Fikrlarim, Nasihatlarim” kitobida bayon etilgan. Vehbi Koçning birinchi kitobining so‘zboshi quyidagi so‘zlari har ikki kitobning yozilish maqsadini juda yaxshi tushuntirib beradi: “Men, Respublika davrida voyaga yetgan bir tadbirkorman. Ellik yildan ortiq ish faoliyatimni qog‘ozga tushirishni va bizdan keyin keladiganlarga xotira sifatida qoldirishni anchadan beri rejalashtirib kelayotgan edim. Kundalik ishlar va bir-birini quvib keladigan voqealar tufayli amalga oshira olmagan bu istagimni Respublikaning 50 yilligi bo‘lgan shu kunlarda bajara olganimdan juda mamnunman. O‘quvchilarim bu kitobda, hunarmandchilikdan boshlab bugungi holatimga kelgunimcha o‘tgan hayot hikoyamni topadilar.

Hayotda muvaffaqiyatli bo‘lish sirlaridan ehtimol eng muhimi, boshqalarning tajribasidan foydalanish, berilgan nasihatlarni diqqat bilan tinglash, tegishli nashrlarni e’tibor bilan o‘qish va olingan bilimlarni qadrlash ekanligiga ishonaman.”

Har ikki kitobda ham matnlar ma’lum mavzular ostida taqdim etilgan. Qo‘lingizdagi “Vehbi Koç Hikoya Qiladi” kitobi esa yuqoridagi ikki kitobdan tanlab olingan matnlarning xronologik tartibda va ma’lum davrlar bo‘yicha taqdim etilgan to‘plamidir. Mazkur matnlarning tarixiy kontekstda yaxshiroq tushunilishini ta’minlash maqsadida, har bir davr boshida o‘sha davrning asosiy ijtimoiy, siyosiy va iqtisodiy rivojlanishlarini o‘z ichiga olgan kirish matnlari mavjud.

O‘quvchilarning, Vehbi Koçning juda qimmatli va betakror tajribalari xazinasi tarixiy kontekstda taqdim etilgan ushbu to‘plamda, yana uning so‘zlari bilan aytganda, “o‘zlariga ilhom beradigan yoki yo‘llariga nur sochadigan” ko‘plab narsalarni topishlariga ishonaman.