Həyat anlayışınızı dəyişəcək bir kitab - Solyaris

Elmi fantastika janrında olduğu üçün mövzusunu belə bilmədən diqqətimi cəlb etmişdi mənim və təbii ki üz qapağının gözəlliyi də buna daxildir?.

"Solyaris" dünyanın yeni kəşf etdiyi, okeanla əhatə olunan planetdir. Okeanın bu əsərdə çox böyük bir rolu var. "Solyaris"i kəşf etmək məqsədilə bura çoxlu ekspedisiyalar edilmiş, planeti daha yaxşı öyrənmək üçün kosmik stansiya tikilmişdir. Bir gün stansiya ilə dünya arasında əlaqə kəsildiyindən baş qəhrəmanımız psixoloq Kris Kelvin orada baş verənləri öyrənmək üçün "Solyaris"ə yola düşür. Kris Kelvin stansiyada qaldığı müddətdə özü, öz keçmişi ilə üzləşir...

Çox şey demək istəmirəm çünki oxuduqca kitabda baş verən hadisələri kəşf etmək, dərk etmək oxucuya ayrı bir zövq verir. Kitabda çoxlu elmi mülahizələrin, fakların verilməsi kitabı oxumağı biraz çətinləşdirsə də əsərdə baş verən hadisələri başa düşmək üçün lazımlı olduğunu oxuduqca anladım. Demək istədiyim əsərin əvvəllərində belə şeylər görsəniz kitabı tez yerə qoymuyun? qarşıda sizi çox həyəcanlı hadisələr gözləyir.

? Elmi-fantastika janrında olmasına baxmayaraq, əsər həm də psixoloji, fəlsəfi mövzuları özündə birləşdirir. Dili biraz çətin, anlaya-anlaya oxunulası və mövzusu fərqli olan kitablardan biridir. Elmi-fantastika sevənlərin bu kitabı da oxumasını şiddətlə tövsiyyə edirəm. Hər kəsə xoş mütaliələr

Ps: əsərin 1972-ci il istehsalı olan filmi də var. Mən hələ baxa bilməsəm də izləyənlər çox bəyənib və tərifləyirlər? tez bir zamanda izləməyi planlaşdırıram, siz də izləyin