Coan Roulinq "Harri Potter və Fəlsəfə Daşı" PDF

Fəlsəfə daşı Harry Potter Kitab seriyasının da, yazar J.K.Rowlingin də ilk kitabıdır. Rowling bu kitabı ərsəyə gətirmək üçün 7 il sərf edib. Maraqlısı budur ki, yazıçının bu kitabı yayımlamaq üçün müraciət etdiyi nəşriyyatlardan 12-i ona rədd cavabı verib, nəhayət qapısını döydüyü 13-cü nəşriyyat kitabı çap etməyə razı olub.

Seriyanın ilk kitabı - Fəlsəfə daşında biz oxucular Harry Potterin hələ lap körpə ikən başına gələnlər, doğum günündə dəyişən taleyi və Hogwartsda keçən sehrbaz həyatının necə olduğunu öyrənmiş oluruq.

Yazar müsahibəsində kitabı yazmağa qatarla səyahət zamanı başladığını qeyd edir. Təsadüfi deyil ki, Hogwartsa gedən yol da Londondakı qatar stansiyasının "9 3/4" platformasından keçir.

Kitab obrazlarla o qədər zəngindir ki, növbəti seriyaları oxuyanda müəllimləri, şagirdləri, sehrli sözləri, xüsusi əşyalarıvə s.i təsnifləndirmək üçün Harry Potter bələdçisi tutmağı da düşünürəm. Əgər siz də başlamaq fikrindəsinizsə bu üsuldan istifadə edin və ya internetdəki hazır "guide"lardan istifadə edin. Oxuduqdan sonra seriyanın ilk filminə baxmaq da obrazları daha yaxşı canlandıra bilməkdə sizə kömək olacaq. Əgər filmi kitabla müqayisəli etməli olsaq, əlbəttə ki, hadisələrin daha dərin təsvirini təqdim etdiyi üçün kitab daha əhəmiyyətlidir.

Harry Potter bəsit bir macəra kitabı olmaqdan çox-çox uzaqdır. Obrazların, hadisələrin əksəriyyəti tarixi və mifoloji faktlara dayanır.

Onu da qeyd edim ki, Fəlsəfə daşını əvvəldən sonadək Harry Potter musiqisini dinləyərək oxudum. Düşünürəm ki, həmin musiqi kitabı daha canlı edir və ona xüsusi abuhava qatır.

Ümid edirəm ki, növbəti seriya haqqında postu hazırlayanda siz də bir PotterHead olacaqsınız :) Xoş mütaliələr!

Harri Potter Seriyasının Bütün Kitabları

1. Harri Potter və Fəlsəfə Daşı (1997)
2. Harri Potter və Sirlər Otağı (1998)
3. Harri Potter və Azkaban Məhbusu (1999)
4. Harri Potter və Alov Kuboku (2000)
5. Harri Potter və Simurq Ordeni (2003)
6. Harri Potter və Mələz Şahzadə (2005)
7. Harri Potter və Ölüm Hədiyyələri (2007)