Robert B. Cialdini "İnandırma Psixologiyası" PDF

"Psixologiya üzrə Qərb və Rusiya mütəxəssisləri "İnandırma psixologiyası”nı sosial psixologiya, konfliktologiya və menecment üzrə ən yaxşı dərs vəsaitlərindən biri hesab edirlər. Robert Cialdininin bu kitabı ABŞ - da dəfələrlə nəşr olunub, ümumi tirajı 2 milyondan çoxdur. Sadə üslubu və materialın maraqlı təqdimatı sayəsində oxucuların rəğbətini qazanmış əsərdə müəllif motivasiya mexanizmlərini, informasiyanın dərki və qərarların qəbulu prosesini ən müasir səviyyədə analiz edib. Yenidən işlənmiş və əlavələr edilmiş bu nəşr psixoloqlara, pedaqoqlara, menecerlərə və siyasətçilərə – insanlara təsir etmək, onları inandırmaq, hərəkətə gətirmək üzrə çalışan peşə sahiblərinə maraqlı olacaq."

...at yarışında mərc oyununa qoşulanlar seçdikləri at üçün pul ödəyəndən sonra onun qələbəsinə daha çox inanmağa başlayırlar. Halbuki bu ödəniş atın şansını dəyişmir : həmin at, həmin seksiya, həmin cığır. Buna baxmayaraq mərcə girmiş insanların şüurunda pul ödənişi atın perspektivlərini xeyli dərəcədə artırır. İlk baxışda bu metamorfoz bir az qəribə görünür. Bu çox hiss edilən dəyişikliyin səbəbi sosial təsirdir. Biz hamımız etdiyimiz hərəkətə uyğun davranmağa çalışırıq.

Hansısa bir seçim edib ona uyğun mövqe tutduqdan sonra biz üzərimizə götürdüyümüz öhdəliklərə uyğun davranmaqla verdiyimiz qərara haqq qazandırmağa çalışırıq. Bu durum bizi seçdiyimiz qərara adekvat reaksiyalar verməyə vadar edir. Biz özümüzü inandırırıq ki, düzgün seçim etmişik və öz qərarımızdan razıyıq."