Vaslav Havel "Gücsüzlərin Gücü" PDF

Vaslav Havelin "Gücsüzlərin Gücü" əsəri, dünyanın bir çox avtoritar ölkələrində gücsüzləri ruhlandırır və gücləndirir. 1978-ci ildə yazılan bu əsər, Çexoslovakiyanın mənəvi böhran və siyasi durğunluq içində olduğu dövrdə dissidentlər üçün bir ümid çırağı olmuşdu. Havel, bu əsərin yazılmasından bir neçə ay sonra həbs edildi, lakin yazısı dəyişimin baş verməsinə töhfə verdi və 1989-cu ildə Çexoslovakiyada kommunist sistemi çökməyə başladı.

Bu əsər Azərbaycanda da aktual diskussiyalara töhfə verə bilər. Yalan və həqiqətin insanın kimliyinə təsiri, ifadə azadlığının qapalı sistemlərə yaratdığı təhlükələr kimi mövzular bu yazıda əhatə olunur. Əsərdə, "başımı aşağı salıb, işləyim" yanaşmasının perspektivləri və müxalifətin rolu müzakirə edilir. Havel, dəyişiklik üçün paralel şəbəkələrin yaradılması və azadlıq mübarizəsinin təmizliyinin təmin edilməsi kimi məsələlərə də toxunur.

Mən bu əsəri ilk dəfə 2009-cu ildə həbsxanada oxudum və bu, mənə böyük güc verdi. "Mən gücsüz deyiləm" deyib keçməyin. Gücsüz olaraq gücünüzü görün.

Bu əsəri Azərbaycan dilinə tərcümə edən fədakar gücsüzlər, bu kitabı oxuyacaq gücsüzləri düşünərək, onları gücləndirmək məqsədi ilə hədiyyə edirlər. Əgər yaxınlarınızın daha güclü olmasını istəyirsinizsə, bu yazını onlara hədiyyə edin və onlara ümid verin.

Gəlin bir-birimizi sevindirək və gücləndirək.