Natalya Reşetovskaya "Mənim ərim Aleksandr Soljenitsın" PDF

Natalya Reşetovskaya 1934-cü ildə Rostovda Aleksandr Soljenitsınla tanış olmuş və 1940-cı ildə onunla evlənmişdir. Bu evlilik dağıdıcı II Dünya Müharibəsi illərində, Soljenitsının 8 illik məhkumluğu dövründə və böyük sarsıntılara tab gətirə bilmişdi. Soljenitsının cəbhədən dostlarına yazdığı anti-sovet xarakterli, sui-qəsddən bəhs edən məktubları hərbi senzuranın əlinə keçir, Soljenitsın həbs olunur və əmək düşərgələrində 8 il həbs cəzasına məhkum edilir. Hər şeyə baxmayaraq, Reşetovskaya onun yanında qalır və ona kömək edir. Məhkumluq illəri bitib Soljenitsın yenidən normal həyata qayıdanda, N. Reşetovskaya onun yazıçı kimi fəaliyyətinə kömək edir. "Mən bu istedada sənin sayəndə sahib oldum, sən olmasaydın kitablarımı yaza bilməzdim" deyirdi həyat yoldaşına bir çox məktubunda. Reşetovskaya bu kitabında 30 illik evlilik həyatlarını, Soljenitsının uğurlarını, uğursuzluqlarını dilə gətirir, onun xarakterini, ruh hallarını, böyük sarsıntılarını, yazdığı kitabları və romanlarının qəhrəmanlarını ətraflı təsvir edir.

Natalya Reşetovskaya 1970-ci ildə Soljenitsının başqa bir qadınla yaşamağa başlaması səbəbindən ondan boşanmışdır.