Abdullah Gül "Diplomatiyada Şərəfli Güc" PDF

Prezident Abdullah Gül öz siyasi həyatını ədalətli, bərabərçilik və hər kəsin rifahını nəzərə alan anlayış üzərində qurmuşdur.
Bu xətt xarici siyasətə, hegemoniya əvəzinə qarşılıqlı anlayış və hörmətə əsaslanan yeni beynəlxalq sistemin qurulması cəhdi olaraq əks olunmuşdur. Prezident Gül dünyanın və Türkiyənin gələcəyinə dair viziyonunu bildirərkən kəskin olduğu qədər də realist və mülayim bir xətt götürmüş; Türkiyənin gələcəyinə dair deyimlərini qısqanclıq və rəqabət yaratmadan mümkün qədər müsbət bir gündəm çərçivəsində formalaşdırmağa çalışmışdır.
Prezident Gül vəzifədə olduğu 7 il ərzində yeni bir dünya düzəninin qurulmasının vacibliyini vurğulamış və bunun üçün yeni siyasi dilin yaradılmasının zərurilisinə diqqət çəkmişdir. Bu yoldakı məqsədi aydındır: "iştirakçı, ədalətli və hamını əhatə edən, lakin lazım gəldikdə təhdidlərlə mübarizə apara biləcək güc, vasitə və nizamlamalara malik, çoxmədəniyyətli, çoxölçülü, heterogen, lakin ahəngdar, identiklik və inancların ierarxik olaraq təsnif edilmədiyi, "başqasını qəbul etməyən" yeni bir beynəlxalq düzen istəyirik." Gül bu yolda beynəlxalq ictimaiyyətin qarşısına çıxan irqçilik, xarici düşmənçiliyi, məzhəb münaqişəsi və İslamofobi təhdidlərinə diqqət çəkmiş və sülh dolu bir dünya üçün bu amillərlə mübarizənin vacib olduğunu vurğulamışdır.
Qarşıdakı 10 il yeni bir dünya düzəninin müəyyənləşəcəyi bir dövr olacaqdır. Prezident Gül bu yeni dünya düzəninin necə olması lazım olduğunu açıq şəkildə hər platformada ifadə etmişdi.