Eray Aydın "Zamanı Aldadan Adam 0013" PDF

Yeganə vacib olan şey zamandır; başqa hər şeyi əhəmiyyətsiz edən də odur!
Bəli, mən çox məşhur bir aliməm. Dünya miqyasında tanınıram və həqiqətən də zamanı yavaşlatmağın, daha doğrusu onu aldatmağın yolunu kəşf etdim. Hətta zamanda səyahət də etdim, özü də iki dəfə.
Bir dəfə keçmişə, bir dəfə isə gələcəyə getdim. Hər ikisində də gördüklərim heç xoş deyildi, amma eybi yox, yenə də bəşəriyyətin səyahətindəki ən mühüm addımı mən atmışdım. Bunun üçün məni mükafatlandırmalı olan bəşəriyyət bunu gizlətməklə qalmadı, iş yoldaşlarımı öldürməyimi bəhanə edərək məni bu deşiyə saldı.
Onlara törətdiyim cinayətlərin səbəbini izah etdim əslində. Təəssüf ki, məni anlaya biləcək qabiliyyətə sahib deyildilər. Amma eybi yox, mən zamanda səyahət edən yeganə insanam və bunun sirrini heç vaxt onlara verməyəcəm. Düzdür, haqqlarını da danmayım, məşhur kvant fiziki olduğum üçün mənə imtiyaz verdiklərini deyə bilərəm. Məsələn, cinayət törətməyimə baxmayaraq məni həbsə atmaq əvəzinə buraya saldılar və nəzakət göstərib əllərimi bağlamadılar, amma yenə də məndən qorxduqlarını bilirəm.
Bütün bəşəriyyət məndən qorxur. Halbuki bu təbiətdən qorxmaq kimidir: Mən bəşəriyyətə lütfəm, bəşəriyyət isə mənə cəza.