Jiddu Krishnamurti "Daxili İnqilab" PDF

13 yaşında ikən “dünya müəllimi” seçilən Krişnamurti, həyatını dünyanı gəzərək, insanlarla, həyata və dünyaya dair danışaraq keçirdi. Ona “mesi” titulu verilmiş olsa da, bunu heç vaxt qəbul etmədi. Onun üçün qarşılaşdığı hər bir insan başlı başına bir “fərd” idi. Buna görə də öyrətməkdən çox paylaşmağı özünə prinsip seçdi. Yenə də dünyada milyonlarla insan ondan çox şey öyrəndi.

Heç bir kitab, heç bir Qita, heç bir Upanişad sizə özünüzü öyrədə bilməz. Eyni şəkildə, heç bir filosof, heç bir professor, heç bir psixoloq da sizə özünüzü öyrədə bilməz. Onların sizə öyrədə biləcəyi yeganə şey sizin nə olduğunuz və ya nə olmalı olduğunuz barədə öz fikirləridir. Bu isə onların baxışı, nəticəsi, qavrayışıdır, sizin yox.

Əsrlər boyu başqalarının, guruların, ənənənizin hakimiyyətini qəbul etdiniz. Məhz buna görə heç enerjiniz yoxdur; buna görə tükəndiniz, hissiyyatsızlaşdınız; buna görə ikinci əl insan oldunuz... Buna görə hakimiyyət sizi məhv etdi; dinlər sizi dağıtdı. Xahiş edirəm, bu həqiqəti görün. Bütün məbəd zənglərinə qulaq asıb məbədlərə getsəniz belə, əslində sitayiş etdiyiniz şey ləzzət və puldur.