Rainer Maria Rilke "Seçilmiş Şeirlər" PDF

Rainer Maria Rilkenin həyat yolu poeziyası qədər önəmlidir. Bu, ilk növbədə, bütün ömrünü poeziyaya həsr etməkdir; şair kimi yaşamaq, şair kimi var olmaq. "Şeir yazmadan yaşaya bilərəmmi?" Bu sualı çoxdan özünə verən Rilke “Yox” cavabından sonra həmişə şeiri üçün yaşayıb. Həmişə poeziya üçün yaşamaq zaman-zaman həyatla sənət arasında seçim etməkdir, faciə dilemması ilə üzləşməkdir. İlk gənclik şövqü səngidikdən, məişət çətinliyi və gündəlik həyatın digər problemləri ilə mühasirəyə alındıqdan sonra da şair qala bilən neçə nəfər var ki şairlik tarixində? Rilkenin məqsədi həyatı tam qavramaqdır; varlığın heç bir hissəsinə yad olmamaq, ən qorxunc və iyrənc həyat vəziyyətlərini belə bütün cəhətləri ilə qucaqlayıb oxumaq.