TAİM Azərbaycan Tarixi - PDF

Vəsait Müəllimlərin İşə Qəbulu imtahanı və Sertifikasiya imtahanı, eləcə də, abituriyent hazırlığı üzrə Azərbaycan Respublikasının Təhsil Nazirliyinin təqdim etdiyi rəsmi proqram və Dövlət İmtahan Mərkəzinin Ali məktəblərə qəbul imtahanı üçün təqdim etdiyi rəsmi proqram əsasında yazılmışdır. Vəsaitdə proqramlar tam şəkildə əhatə olunmuşdur. Kitab aydın və anlaşıqlı dildə yazılmış, sxem və şəkillərlə yığcam şəkildə göstərilmişdir. Dərslik, ön söz və 10 bölmə ibarətdir. Vəsait Ali məktəbə hazırlaşan şagirdlər. MİQ və Sertifikasiyaya hazırlaşan müəllimlər, həmçinin ali məktəb təhsil alan tələbələr üçün nəzərdə tutulmuşdur.

Hörmətli şagirdlər, tələbələr və müəllimlər! XXI əsr insan həyatında kəskin dəyişikliklərlə müşayiət olunur. Bu dəyişikliklər biz istəsək də. istəməsək də gündəlik həyat tərzimizə, iş həyatımıza, düşüncələrimizə təsir edir və bu bizim məsələlərə baxış və yanaşmalarımızın dəyişməsinə səbəb olur. Dəyişən dünyaya uyğunlaşmaq insanların qarşısına bir sıra tələblər qoyur. Bura ömür boyu öyrənmə, tənqidi təfəkkür və problem həlletmə. yaradıcı təfəkkür, əməkdaşlıq edərək komandada birgə çalışma, qarşılıqlı anlayış və tolerantlıq göstərmə, informasiya-kommunikasiya texnologiyalarından effektiv şəkildə istifadə və s. xüsusiyyətlərinə sahib olmaq daxildir.
Təhsilimizin İnkişaf istiqamətləri “Azərbaycan Respublikasında təhsilin inkişafı üzrə Dövlət Strategiyası" sənədində ətraflı şəkildə verilmişdir. Sənədin ikinci istiqaməti yüksək nüfuzlu təhsilverənin formalaşdırıimasıdır ki, vəsaitimiz də bu istiqamətə dəstək vermək üçün nəzərdə tutulmuşdur. Təhsilin cəmiyyətlərin mədəni inkişaf səviyyəsinin yüksəlməsində və uğurlu iqtisadiyyatın formalaşmasında müstəsna əhəmiyyətini nəzərə alaraq qeyd etmək lazımdır ki. hər bir şagird, tələbə və müəllim bu dəyişikliklərə uyğunlaşmaq üçün davamlı olaraq öz üzərində çalışmalı, ömür boyu öyrənmə xüsusiyyətini özünün həyat tərzinə çevirməlidir. Əks halda, yeni gələn nəsilləri dövrün tələbinə uyğun hazırlaya bilməyəcəyik. Nəzərə alsaq ki. texnologiya dövrünün uşaqlarının maraqları, ehtiyacları fərqlidir, o zaman şagirddən müəllimədək hər kəsin inkişaf etməsi labüddür.
Tarix dərs vəsaiti Azərbaycan Respublikasının Təhsil Nazirliyinin təqdim etdiyi Müəllimlərin İşə Qəbulu müsabiqəsinin. Sertifikasiya imtahanın qiymətləndirmə çərçivəsinə, həmçinin Dövlət İmtahan Mərkəzinin Ali məktəblərə qəbul imtahanı üzrə proqramına daxil olan mövzular əsasında hazırlanmışdır. TAİM olaraq, Azərbaycan müəllimlərinə, şagird və tələbələrinə dəstək otmaq məqsədi ilə bu vəsaiti ərsəyə gətirmişik.