Lətif Məhərrəmov "Azərbaycanca - ingiliscə lüğət" PDF

Müəllimlər, dil öyrənənlər, xüsusilə tərcüməçilər üçün nəzərdə tutulan bu vəsaitdən ingilis dilinə marağı olan hər bir şəxs faydalana bilər.

Elm və texnikanın sürətlə inkişaf etdiyi, internetin həyatımızın ayrılmaz hissəsinə çevrildiyi çağdaş dünyamızda vaxtilə ingilis dilində çox az işlətdiyimiz bəzi termin , söz və söz birləşmələri gündəlik həyatımızda ümumişlək mahiyyət daşıyır. Bu inkişafla əlaqədar həyatımızın bütün sahələrində, o cümlədən, kompüter terminologiyasında bir sıra neologizmlərin - yeni sözlərin yaranması dilin inkişaf dinamikası baxımından təbii haldır. Qeyd etdiklərimiz yeniyeni lüğətlərin tərtib edilməsini zəruri edir. Ədalət naminə qeyd edilməlidir ki, son dövrlər xeyli lüğətlər nəşr olunaraq oxucuların istifadəsinə verilmişdir. Lakin bəzən oxucular onları maraqlandıran bəzi söz və söz birləşmələrinin tərcüməsini kitablardan (xüsusilə, eyni kitabdan) tapa bilmirlər. Bu da ingilis dilini tədris edənlər, dil öyrənənlər, o cümlədən, tərcüməçilər üçün müəyyən çətinliklər yaradır.