Rik Riordan "Əcinələr Dənizi (Persi Cekson və Olimplilər 2)" PDF

Bir gün kimsə sizə Qədim Yunan tanrılarının hələ də sağ olduğunu desə, nə edərdiniz? Bəs ailənizdən biri də bu tanrılardan biridirsə? Fövqəladə güclərə malik olduğunuzu anlasanız?

“Persi Cekson və Əcinələr dənizi” Rick Riordanın “Persi Cekson və Olimplilər” adlı romanlar silsiləsinin ikinci romanıdır. Oxuculara artıq tanış olan “Persi Cekson və ildırım oğrusu” romanın davamı kimi yazılmış bu əsərdə Yarıinsan Yarıtanrı olan qəhrəman Persi Ceksondan söhbət açılır. O, özü kimi uşaqları himayəsində saxlayan Yarımqanlar düşərgəsini və oranın qoruyucusu olan sehrli ağacı xilas etmək üçün qızıl qoyun dərisini tapmalıdır. Bunun üçün Əcinələr dənizini keçmək, siklop Polifemin adasına getmək, nəhəng məxluqu öz evindəcə məğlub etmək lazım gələcək. Əlbəttə ki, bu yolu gedəndə də, qayıdanda da mütləq müxtəlif macəralar yaşanacaq.
Silsilənin ən qısa romanı olan “Persi Cekson və Əcinələr dənizi” 2006-cı il may ayının 3-də oxuculara təqdim olunmuşdur. Əsər tənqidçilər tərəfindən müsbət dəyərləndirilmiş və bir sıra mükafatlara layiq görülmüşdür.