Sally Runi "Dostlarla söhbətlər" PDF

Başda "Normal People" olmaqla yazdığı 3 uğurlu romanı ilə gənc yaşda adını eşitdirən irlandiyalı yazıçı Sally Rooney. "Snapchat nəslinin Selinceri" adlandırılan Rooney, daha yeniyetməlik dövrlərindən bu sahədə cəhdlər göstərir, 3 aya tamamladığı "Conversations with Friends" kitabı ilə isə 2017-ci ildə ciddi şəkildə ədəbi dünyaya addım atır.

Kitab Frances adlı gənc tələbə qızın qadağan olunmuş sevgisindən - evli bir insanla münasibətindən danışır. Təməldə isə, dostluq, ailə, sevgi anlayışları, həyatdakı mübarizələr, yerini tapma cəhdləri kimi bir çox əhəmiyyətli insani mövzuya toxunur.

Kiçik bir dost qrupunun birbirindən fərqli fərdlərinin düşüncələrini, xarakterlərini, seçimlərini ələ alan əsərin əslində bir nəticəyə, bir yekuna varmaq dərdi yoxdur. O daha çox sizə özünüzdən bir şeylər oxutdurmağa və düşünməyə vadar etməyə çalışır. Və güman ki, bacaracaq da.

Əlavə : Kitab əsasında 2022-ci ilin may ayında HULU TV'də eyniadlı - "Conversations With Friends" serialı yayımlandı.

Hazırda 1 sezon 12 bölümü yayımlanan serialın davamının da olacağı gözlənilir. Müəllif hüquqları səbəbindən film saytlarından tapmanız çətindir, lakin Blu Tv platformasından rahatlıqla izləyə bilərsiniz.