Aqata Kristi "Günəş altında şər" PDF

Erkül Puaro dənizsahili kurortdadır. Lakin məşhur detektivə istirahət etmək qismət olmur: o adət etdiyi işlə məşğul olmaq – qətl cinayətini araşdırmaq məcburiyyətində qalır. Tənha buxtada Arlena Marşallı boğulmuş vəziyyətdə aşkar edilir. Orada olanların bir çoxunun bu cinayəti işləmək üçün özünə məxsus səbəbi vardır.
Analığına dərin nifrət bəsləyən ögey qızmı, yoxsa sevmədiyi arvadından can qurtarmaq istəyən ərimi? Bəlkə alicənablıq və dürüstlük maskası altında öz qaranlıq keçmişini gizlədən oynaş, yoxsa rəqibini məhv etmək istəyən kübar cəmiyyət qadını?
İlk baxışda mənzərə aydındır – hər şeyin günahkarı məhəbbət üçbucağıdır. Lakin üçbucaq dördbucağa və hətta beşbucağa dönüşə bilər, bəlkə də daha mürəkkəb həndəsi fiqura çevrilə bilər.
Ehtimal olunan variantlar lazım olduğundan çoxdur. Şübhəlilər də çoxdur.