MASKANIN ARXASINDAKI

Soyuq qış günü idi. Səhər təzəcə açılmışdı. Həsənovlar ailəsində xoşbəxt bir gün idi. Evin başçısı, iki gözəl-göyçək qız balasına anasız baxan , böyüdən Həşim Həsənovun əlli yaşı tamam olurdu. Həsənovların maddi durumu o qədər də pis deyildi. Hər səhər yeməyə yağ,pendir,şor,bal və yumurtaları olardı. Həftədə ən azı bir dəfə ət yeməyi yeyərdilər. Hər səhər olduğu kimi bu səhər də qızları Nuray və Lalə atalarını işə yola saldılar. Həşim kişi evdən çıxan kimi qızları işə başladılar.
Nuray aşın düyüsünü , Lalə isə qarasını hazırladı. Tort bişirməyi bibiləri öz üstünə götürmüşdü. Çöldə yağış yağırdı. Qızlar heyifsilənirdilər ki, ataları ad günü bərk yağışa düşəcək. Qızların doğum günü hazırlıqları iki saat idi ki, bitmişdi.