Zöhrə Əliyeva "Unudulmayan Nəğmə" PDF

Zöhrə Əliyevanın “Unudulmayan nəğmə” kitabı şairin fərqli güşüncələri, zəngin duyğuları, ali hissləri, gözəl təbiət təsvirləri ilə seçilir. Şeirlərdə poetik fikir aydınlığı, dərin məna, sətirlərdə sevgi və həyat eşqi duyulur. İnsanın dünyasını zənginləşdirən bu şeirlər həsrət yükü, fəlsəfi məna çaları ilə seçilir. Zöhrə xanımın həyata, təbiətə, insanlara, dostluğa olan sevgisini ürəkdən ona olan inamla duyuruq. Onun yazdığı gözəl şeirləri yazmaq üçün şairdə çox böyük istedad azlıq edər, bunun üçün insanda çox zəngin, duyğulu gözəl bir qəlb gərəkdir---- Zöhrə xanımın qəlbi kimi...

Zöhrə Əliyevanın şeirlərinin ritmi, ahəngi, səmimiliyi, yazdığı mövzunu musiqi fonu kimi müşayiət eyləyir. “Xatirələr”, “Yarpaqlar tökülür”, “Soruş məni”, “Qumlu sahillərdə”, “Duyan varmı içindəki yanğını”, “Dan ulduzu”, “Son vida”, “Söylə, sən hardasan” və neçə--neçə unudulmayan şeirləri...