Autizm. Autistik pozuntular. Kömək göstərmək üçün metodlar. Lehinə və əleyhinə (Autizm olan ailələr üçün maarifləndirici vəsait)

Kitabda geniş oxucu kütləsinə yaxşı tanış olan həkimin autizm və autistik pozuntularla xəstə uşaqların müalicəsi sahəsindəki çox illik iş təcrübəsinin nəticələri ümumiləşdirilib. Autizm anlayışının qısa tarixi icmalı və etiologiyası verilib, bu patologiyanın təzahür etməsində çoxfaktorluluq şərh edilib. Müəllif ilk dəfə olaraq peri- və postnatal periodlarda psixogen faktorlardan asılı olaraq autizmin və autistik pozuntuların təzahürlərinin əsas əlamətlərini ətraflı şəkildə müzakirə edir. Kitabın məqsədi xəstə uşaqların valideynlərini və yaxınlarını təcrübədə mövcud olan müalicə metodları, bu kateqoriyadan olan xəstə uşaqlara onların təsirinin pozitiv və neqativ nəticələrilə, uşaqlar üçün nəzərdə tutulan ən son müalicə-reabilitasiya tədbirlərilə tanış etməkdir. Özünün çox illik elmi-praktiki təcrübəsi əsasında professor praktiki nöqteyi-nəzərdən autizmin və autistik pozuntuların yeni və ən müasir təsnifatını müəyyən edibdir. Kitab xəstə uşaqların valideynlərinə və yaxınlarına, tərbiyəçilərə və pedaqoqlara, psixoloqlara, xüsusi təhsil sferasında təhsil alan tələbələrə, reabilitoloqlara və nəhayət, məhdud imkanlı uşaqların taleyinə biganə olmayan geniş oxucu kütləsinə tövsiyə olunur.