James L. Haley "Jack London" PDF

O, qızıl tapa bilmədi, ancaq həyatının ən böyük mədənini kəşf etdi: yaşadıqlarını, gördüklərini, eşitdiklərini bütün ağlı ilə, ürəyinin bütün həyəcanı ilə sözlə ifadə etmək qüdrətini.Şimalın donmuş torpaqlarında insan və heyvanların yaşamaq uğrunda mübarizəsi bir neçə ildən sonra qələminin gücü ilə bütün dünyaya yayılacaq, o, şöhrət və pul qazanaraq böyük yazıçı kimi tanınacaqdı.
Lakin Cek London uşaqlığından bəri yaşadığı qəddar kapitalizmə qarşı sinfi qəzəbini heç vaxt unutmadı. O, bir tərəfdən rəssam dostları ilə zəngin və bohem həyat sürür, yaxtası ilə Cənubi dənizlərə səyahətlər təşkil edir digər tərəfdən ictimai ədalətsizliklərdən, kasıbların və məzlumların mübarizəsindən bəhs edən romanlar, hekayələr və məqalələr yazır.