Yusif Əhmədov "Ələkeçməzlər 2" PDF

Tanınmış yazıçı-jurnalist Yusif Yaqub oğlu Əhmədov ötən əsrin 60-cı illərində ədəbiyyata gələn yazıçılardandır. İlk kitabı "Əfqan hekayələri" adı ilə 1965-ci ildə Tacikistanın Düşənbə şəhərində çap olunub. "Ələkeçməzlər" müəllifin sayca 22-ci kitabıdır. Kitabdakı eyniadlı roman öz janrına görə müəllifin başqa əsərlərindən fərqlənir.

Azərbaycanın ilk milli-siyasi detektiv romanı olan "Ələkeçməzlər" kitabındakı hadisələr 2006-2010-cu illər ərzində Bakı şəhərində və əyalətlərdə, eləcə də Dağlıq Qarabağda - Xankəndi və Laçın rayonlarında, bir çox xarici ölkələrdə baş verən müxtəlif kriminal və terror hadisələrindən bəhs edir.

Adam oğurluqları, qətllər, sifarişlə qətlə yetirilənlər, terror hadisələri və onlarla insanı heyrətə salan ölüm hadisələri - ağır, zəhmətli, uzun vaxt aparan təhlükəli cinayət işləridir. Hadisələrin mərkəzində Hacı Məmmədov, onun quldur dəstələri və bu quldurlarla mübarizə aparan MTN, DİN-nin igid zabit və əsgərləri dayanır.