Çulpan Zaripova Çetin "Azəmlər" PDF

Tatar milli ədəbiyyatının təməlini qoyan, bir çox türk boyunun mədəni və tarixi şüurunun inkişafını təmin edən məşhur yazıçı, filoloq, tarixçi, alim, tənqidçi, jurnalist, müəllim, tanınmış ictimai və dövlət xadimi Alimcan İbrahimovun (1887-1938) yaradıcılığı 30 ilə yaxın bir dövrü əhatə edib, tarixin dönüş nöqtəsi olan XX əsrin ilk yarısına təsadüf edir. Rusiya sərhədləri daxilində yaşayan xalqların həyatını kökündən dəyişdirən inqilabların və Vətəndaş Müharibəsinin şahidi olan yazıçı, bu hadisələri əsərlərində ən səmimi şəkildə əks etdirir.

Əlinizdəki kitabda 1921-1922-ci illərdə İdil bölgəsində baş verən, 6 milyona yaxın insanın həyatına son qoyaraq kəndləri yox olmaq təhlükəsi ilə üz-üzə qoyan və tatar türklərini Qafqaz, Sibir və Orta Asiya tərəflərinə köç etməyə məcbur edən, XX əsr Rusiya tarixinin ən dəhşətli səhifələrindən biri olan aclıq faciəsi və aclıqdan əxlaqi simasını itirən, "heyvanlaşan" insanların öz uşaqlarını kəsib yeməyə qədər gedən hekayəsi, Alimcan İbrahimov tərəfindən oxucuları dərin iztirab içində buraxan ən real mənzərələrlə təsvir edilir.