Amin Maalouf "Ərəblərin Gözündən Səlib Yürüşləri" PDF

Tarixi qaliblərmi yazır? Bəs məğlub olanların deyəcək sözləri yoxdursa necə?

Livan əsilli fransız yazıçı Amin Maaloufun “Arapların Gözündən Səlib Yürüşləri” adlı əsəri, bizə tarixə fərqli bir baxış bucağı təqdim edir. Qərb dünyasında əsrlərdir qəhrəmanlıq dastanı kimi təqdim olunan Səlib yürüşləri bu dəfə ərəb tarixçilərinin – yəni məğlub edilmiş, lakin unutmamış bir xalqın – gözü ilə izah olunur.

Kitab, XI əsrin sonlarından XIII əsrin əvvəllərinə qədər davam edən bu çətin dövrü, Maalouf-un sadə, ancaq təsirli dili ilə oxucuya çatdırır. Avropadan gələn cəngavərləri “barbar” və “dağıdıcı” kimi təsvir edən ərəb mənbələrinə əsaslanan bu əsər, tarixin səsi çox az eşidilmiş tərəfinin hekayələrini üzə çıxarır.

Bu kitab sadəcə bir tarix kitabı deyil, eyni zamanda empati dərsidir. Şərqin gözü ilə Qərbə, məğlubun gözü ilə qalibə baxmağa çalışmaq... Maalouf-un məqsədi kimisə ittiham etmək deyil; sadəcə olaraq tarixin iki tərəfi olduğunu xatırlatmaqdır.

Bu gün də təsirlərini hiss etdiyimiz Şərq-Qərb qarşıdurmasının köklərini anlamaq istəyən hər kəs üçün bu kitab mütləq oxunmalı bir əsərdir.