Əli Əkbər "93 - Tanrıların qürubu'' PDF

Ara qarışdı, məzhəb itdi. Getdikcə şiddətlənən avtomat səsləri, qışqırıq, söyüş va qarğış sədaları hamını vahiməyə salmışdı. Ölüm-qalım savaşının başladığını anlayaraq, üzümü yanımdakılara tutub "Yerə yatın!" deyə bağırdım. Vaxt ölçüsünü itirmiş Əhriman da, atəşin bir neçə saniyəlik səngidiyini görüb yerə uzandı. Uzanan kimi də Qoqol küçəsinə tərəf süründü. Bir ara ehmalca başını qaldırıb əsgərlərə tərəf boylandı, sürünməkdən vaz keçib, yerindəcə donub qaldı. Hətta onun damarlarında qanın da donduğunu, içində nəyinsə qırılıb düşdüyünü hiss etdim...