Elşən Bədirxanov "Uğura inan, öz biznesinə başla" PDF

Sahibkarlığın inkişaf etdirilməsinin vacib element-
lərindən biri gənclərə aktiv həyat mövqeyinin aşılanması və yeni nəsil iş adamlarının yetişdirilməsidir. Bu fəaliyyətdə hökumət strukturları ilə yanaşı, biznes qurumlarının və ictimai təşkilatların üzərinə də böyük məsuliyyət düşür. Azərbaycan Banklar Assosiasiyası (ABA) ölkədə sahibkarlığı təbliğ etməklə qeyri-neft iqtisadiyyatının inkişafı üçün həlledici əhəmiyyət daşıyan kiçik və orta biznesin genişlənməsinə dəstək olur. Təlim və tədris sahəsindəki təşəbbüslərə növbəti töhfəsini vermək, bu istiqamətdə görülən işlərə dəstək olmaq məqsədilə ABA “Uğura inan, öz biznesinə başla!” adlı biznes-bələdçinin nəşrini öz üzərinə götürmüşdür. Bankların inkişafı, onların daim yeniliklər tətbiq etməklə əhaliyə və ölkə iqtisadiyyatına daha yaxşı xidmət göstərməsi uğurlu iş adamlarının və bizneslərin mövcudluğundan əhəmiyyətli dərəcədə asılıdır. Əminik ki, oxumağa başladığınız bu bələdçi bir çox gənci aktivliyə və bizneslə məşğul olmağa sövq edəcək. Kitabın müəllifi ABA-nın ekspert qrupunun üzvü, 20 ildən artıq maliyyə sektorunda fəaliyyət göstərmiş, bır sıra aparıcı maliyyə qurumlarında rəhbər vəzifələrdə çalışmış, gənclər üçün Mikrobiznes İnkubatoru layihəsinin müəllifi Elşən Bədirxanovdur.