Albert Camus "Isyonchi Inson" PDF

Bir ehtiros qotilliklari bor, bir ham mantiq qotilliklari. Ularning orasidagi chegara noaniqdir. Lekin jinoyat kodeksi ularni niyat tushunchasi bilan bir-biridan ancha qulay tarzda ajratadi. Biz niyat va mukammal qotillik zamonida yashayapmiz. Qotillarimiz endi muhabbat bahonasiga yashirinadigan o‘sha beparvo bolalar emas. Aksincha, ular pishganlik davridadir, aybsizlik dalillari ham inkor qilib bo‘lmaydigan turdan: hamma narsaga, hatto qotilni hakam qilishga ham xizmat qiladigan bir falsafa.
Shamolli Tepada Heathcliff, Cathie’ni olish uchun butun dunyoni o‘ldirishi mumkin edi, lekin bu qotillikning mantiqli yoki bir ta’limot bilan tasdiqlanganini o‘ylab ham ko‘rmagan bo‘lardi. U shunchaki qilardi bu ishni, tamom; uning butun ishonchi shu yerda tugaydi. Bu ish uchun muhabbat kuchi va shaxsiyat kerak. Muhabbat kuchi kamdan-kam uchragani uchun, qotillik favqulodda narsa bo‘lib qoladi, noqonuniy ko‘rinishini saqlab qoladi. Lekin, shaxsiyat yo‘qligida, bir ta’limotga ergashilganda, qotillik mantiqqa asoslanganda, qotillik mantiqning o‘zi kabi ko‘payadi, mantiqiy taqqoslashning har qanday ko‘rinishiga kiradi. Ilgari faqat bir faryod edi, endi esa ilm kabi umumbashariy bo‘lib qoldi. Kecha sud qilinardi, bugun esa qonun chiqarayapti.