Albert Camus kim?

Albert Camus 1913-yil 7-noyabrda Mondovi, Jazoirda tug‘ilgan. Otasi alsaslik, onasi ispan bo‘lgan Camus, kambag‘al oilada ulg‘aygan. 1-jahon urushi davrida otasidan ayrilgan. Onasi uy xizmatchiligi qilib, o‘g‘lini o‘qitishga harakat qilgan. Lekin Camus mustaqil hayot kechirish uchun uyidan chiqib ketgan. 1923-yilda litseyga qabul qilingan. Litseydan so‘ng Jazoir Universitetiga o‘qishga kirgan Camus, universitet davrida kasal bo‘lib, 1930-yillarda silga chalingan. Kasalligi sababli turli joylarda ishlay boshlagan Camus, falsafa bo‘yicha tahsilini faqat 1936-yilda tugata olgan. 1934-yilda Fransiya Kommunistik partiyasiga qo‘shilgan Camus, uch yil o‘tib Trotskistlikda ayblanib partiyadan chiqarilgan. 1935-yilda Ishchilar Teatrini tashkil qilgan, biroq bu teatr 1939-yilda yopilgan. O‘sha yili sil kasalligi tufayli armiyaga olinmagan. 2-jahon urushi boshlarida Camus pasifist bo‘lib qolgan, biroq Parijni nemis armiyasi bosib olishi va 1941-yilda kommunist jurnalist Gabriel Perining ko‘z o‘ngida qatl etilishi uning pozitsiyasini o‘zgartirgan. Bu voqea uning ham qarshilik ko‘rsatishiga sabab bo‘lgan. Paris-Soir jamoasi bilan Bordoga borgan va o‘sha yili “Begona” va “Sizif afsonasi” nomli ilk kitoblarini tugatgan. Camus 1942-yilda Bordoni tark etib Jazoirga ketgan, so‘ng Parijga qaytgan. 2-jahon urushida natsistlarga qarshi tuzilgan Fransuz Qarshilik harakatiga qo‘shilgan Camus, shu harakat doirasida “Combat” nomli gazeta nashr eta boshlagan. Camus 1950-yillarda o‘zini inson huquqlariga bag‘ishlagan. 1955 va 1956-yillarda fransuz “L’Express” jurnalida maqolalar yozgan Camus, 1957-yilda Nobel adabiyot mukofotini qo‘lga kiritgan. 1960-yil 4-yanvarda, Sens yaqinidagi kichik Villeblevin shaharchasida yo‘l-transport hodisasi natijasida vafot etgan. Albert Camus Lourmarin qabristoniga dafn etilgan. ROMANLARI: Begona, Vabo, Qulash, Baxtli o‘lim, Birinchi odam PYESALARI: Avstriyada qo‘zg‘olon, Caligula, Xato, Harbiy holat, Adillar