Seselia Ahern “Xatirələr üçün təşəkkürlər” PDF

Əsas qapı açılır. Qaranlıq mühazirə zalına işıq süzülür. Castin Hiçkok içəri girəndə projektorun bəyaz işığı onun gərgin sifətini işıqlandırır. Castinin qoltuğunda üst-üstə yığılmış bir neçə qovluq var. O, dizləri ilə qovluqları düzəltməyə çalışır. Sağ əlində isə ağzına qədər dolu portfel və plastik qəhvə stəkan tutub. O, ayağını ehtiyatla yerə qoyur. Müvazinətini bərpa etdiyi üçün özündən razı qalıb gülümsəyir. Tələbələr də gülür. Güc-bəlayla yaratdığı sabitlik yenidən təhlükə altındadır. Bacararsan, Castin. Gözlərini stəkandan çək və vəziyyəti dəyərləndi.