Qurbanova F.A "Mamalıq və Ginekologiya (Dərslik)" - PDF

Dərslik Azərbaycan dilində mamalıq və ginekologiya problemlərini əhatə edir.
Mamalıq bölümü 18 fəsildən ibarətdir. Bu bölüm müasir mamalığın aktual problemlərini əhatə edir. Aybaşı tsiklinin requlyasiyası, yumurtalıqda və uşaqlıqda gedən dəyişikliklər haqqında, aybaşı, mayalanma, implantasiya, embriogenez haqqında elmi məlumatlar əks olunub.
Mamalıq bölümündə hamiləlik müddətində gedən dəyişikliklər, hamiləliyin erkən vaxtında müasir diaqnostik metodların informativliyi verilib.
Geniş perinatal dövr haqqında hamiləliyin vaxtından qabaq pozulmasının səbəbləri, diaqnostikası, hamiləliyin hipertenziv vəziyyətləri, son və erkən zahılıq dövrünün qanaxmaları, istmik-servikal çatışmazlıq haqqında anlayış, qeysəriyyə kəsiyi əməliyyatının diaqnostik xüsusiyyətləri təqdim edilib. Dərslikdə mamalıq və ginekologiya fənnindən kafedranın dosenti N.E.Axundova tərəfindən tərtib olunan testlər verilib.
Ginekologiya bölümü 7 fəsildə təqdim olunub. Bu bölümdə sonsuzluq problemi geniş əhatə edilib.
Müasir ginekologiya elminin aktual problemləri, o cümlədən yumurtalıqların polikistoz sindromu, uşaqlığın inkişaf qüsurları, yumurtalıqların şişləri və şişəbənzər törəmələri, reproduktiv orqanların xərçəngönü xəstəlikləri geniş izah olunub.
Dərslik Tibb Universitetinin tələbələri, rezidentlər, doktorantlar, mama-ginekoloqlar üçün nəzərdə tutulur.