Amid Səlimoğlu - "Bəyaz dəhliz" PDF

Salam, bu yazını oxuyan, möhtərəm oxucu! Bil ki, bu yazını yazarkən bir xeyli düşünmüş, çox xəyaldan sonra yazmağa qərar vermişəm. Mən deyim bir ay, sən anla iki ay. Ancaq il olmaz, buna tam əmin ol! Xəyalımdan nə keçmişsə, onu da sənə danışacağam. Sənə tanış edəcəyim bu hekayədə hadisələr bəzən həqiqət, bəzən də bu biçarə yazıçının könlündən keçənlər olacaq. Amma və lakin nə mən səni yubadacaq, nə də sən oxuyarkən bikef olacaqsan. İnan mənə, ey əziz oxucu! Nəysə! İndi isə gələk hekayəmizə. Sənə nağıl edəcəyim bu əhvalat Sabir adında işsiz, gücsüz adamın başına gələnlər haqqında olacaq. Onu oxuyarkən bəlkə sən də özünü onda görəcəksən. Nə bilmək olar!