Səfdər Eminov "Sayrışan Ulduzlar" PDF

Birinci Qarabağ müharibəsi veteranı və Vətən müharibəsi iştirakçısı, cəbhə xatirələrini hərbi ədəbiyyatımızda yaşatmağa çalışan entiyatda olan zabit Səfdər Eminovun yazdığı “Rəngsiz ölüm” və “Sayrışan ulduzlar” povestləri “Casus ovu”ndan sonra araya-ərsəyə gətirdiyi və günümüzün aktuallığını əks etdirən vətənpərvərlik mövzusunu özündə ehtiva edən ədəbi nümunələrdir. Fikrimcə, 33 illik Qarabağ müharibəsi və vətənpərvərlik mövzuları bitib tükənməyən mövzular silsiləsinə daxil olub. Qeyd edək ki, XX əsrin sonlarından başlayan mənfur qonşularımızın torpaqlarımıza qarşı ərazi iddiaları, Ermənistan-Azərbaycan Dağlıq Qarabağ münaqişəsi (1987-2020-ci illər) bu illər ərzində ədəbiyyatımızın müharibə mövzusunu daha da zənginləşdirmişdir. Cəbhə xatirələrini ədəbiyyatda yaşatmaqdan böyük qürur duyan keçmiş döyüşçü Səftər Eminov oxucularına yeni yazdığı əsərlərini təqdim edir. Yuxarıda adlarını qeyd etdiyim hər iki povestin yenə də əsas süjet xəttini erməni faşistlərinin Azərbaycan xalqının başına gətirdiyi faciələr, erməni riyakarlığı, erməni hiyləgərliyi və belə bir ağır, çətin durumda sülhsevər, humanist xalqımızın mübarizəsi təşkil edir. Tarixi gerçəklik budur ki, “böyük Ermənistan” dövləti qurmaq arzusuna düşən ermənilər 200 ilə yaxındır ki, Türkiyə və Azərbaycan torpaqlarında bu arzularını həyata keçirmək istəyiblər . Bu müddət ərzində türklərin və azərbaycanlıların başına açdıqları saysız-hesabsız müsibətlərdə ermənilər yalnız bir məqsəd güdüblər: