Cəfərov Tahir "Smart market. Elektroenergetika - islahatlar və intellektual bazar" PDF

“İntellektual bazar” (SMART market) haqqında təqdim edilən bu ilk kitabın məqsədi, son illərdə elektroenergetika sahəsində aparılan islahatların beynəlxalq təcrübəsi ilə yanaşı, respublikanın energetika sektorunda yaradılmış mövcud imkanlar daxilində Avropa Direktivinə uyğun gələcək islahatların mümkün istiqamətləri ilə oxucunu tanış etməkdir.
Kitab, energetika sahəsində çalışan mühəndis, iqtisadçı, maliyyə, bank işçiləri və tələbələr üçün faydalı ola bilər.

Dünyanın inkişaf etmiş bazar iqtisadiyyatına malik ölkələrində elektroenergetika uzun müddət planlı və tənzimlənən qiymətlərin tətbiq edildiyi yeganə sahə kimi fəaliyyət göstərmişdir. Lakin son illərdə iqtisadiyyatın başqa sahələri kimi, bütövlükdə təbii inhisar şəraitində fəaliyyət göstərən elektroenergetikanın bəzi sahələrinin də rəqabət mühitinə keçirilməsi ilə effektliyin artması fikri formalaşmışdı.