Azərbaycan qadını ensiklopediyası - PDF

Azərbaycan Qadını Ensiklopediyası, əhatə etdiyi dövr və ensiklopedik qaydalara riayət edilməsi baxımından Azərbaycan dilində hazırlanmış ilk nəşrdir. Bu əsərdə ta qədim dövrlərdən indiyə qədər yaşamış qadın hökmdarlar və şairlər, son yüzilliyin maarifçi qadınları və ictimai xadimləri, müxtəlif dövlət və idarəetmə vəzifələrini daşıyan tanınmış qadın ictimai-siyasi xadimlər, şairlər, yazıçılar, rəssamlar, müğənnilər, aktrisalar və elm xadimləri haqqında yığcam ensiklopedik məlumatlar və onların əksəriyyətinin portretləri təqdim edilmişdir.

Kitab, Azərbaycanın tanınmış qadın şəxsiyyətləri ilə maraqlanan geniş oxucu kütləsi üçün nəzərdə tutulmuşdur. Oxuculardan gələn rəylər, təkliflər və əlavələr gələcək nəşrlərdə nəzərə alınacaqdır.