Nicat Kazımov "Rəngli Daşlar" PDF

Barmağı ilə yaşıl daşı göstərib davam etdi. – Bax, bu daşı Kambocadan gətiriblər, digər göyü isə Çindən. Bax, bu qara daşı da Türkiyədən gətiriblər. Burada Hindistandan, Kenyadan, Uqandadan, Almaniyadan, İngiltərədən, başqabaşqa yerlərdən gətirilmiş daşlar var.
Madam Flora çox həvəslə danışırdı. Marağımı saxlaya bilməyib soruşdum:
- Çox gözəl kolleksiyadır. Marağıma görə üzrlü hesab edin. Bəs, niyə daş?
Məsələn, pul kolleksiyası daha yaxşı olmazdımı?
O gülümsədi, sonra da dilləndi:
- Özümə söz vermişəm ki, ölənə kimi bu daşların kolleksiyasını yekunlaşdırım. İstəyirəm ki, son nəfəsimdə bu daşları ayağımın altına düzdürüm və deyim: "Bütün dünya mənim ayaqlarımın altındadır".