Tam Fərqli : Tavada 15 Dəqiqəyə Xaçapuri Resepti

Gürcüstan mətbəxindən Qəlyanaltı resepti.
Xəmir yoğurmadan, cəmi 15 dəqiqəyə asan və ləzzətli xaçapuri hazırlaya bilərsiniz. Mir.az tavada xaçapuri reseptini təqdim edir.

Əvvəlcə bir qaba un və qabartma tozunu töküb qarışdırın. Üzərinə yumurta və südü əlavə edib tel çırpıcıyla çalın.Pendiri rəndələyib xəmirə əlavə edin və qarışdırın.
Diametri 28 sm olan tavaya 1 xörək qaşığı duru yağı töküb ocaqda isidin. Hazırladığınız pendirli xəmiri tavaya töküb bərabər şəkildə yayın. Tavanın qapağını örtüb zəif odda təxminən 5 dəqiqə bişirin. Tavanın qapağını açıb əlinizlə yoxlayın, əgər əlinizə yapışmırsa deməli çevirə bilərsiniz.
Üzərini yağlayıb boşqab və ya tavanın qapağıyla tərs çevirib tavaya yerləşdirin. Qapağını örtüb 4-5 dəqiqə də digər tərəfini bişirin.
Bişən xaçapurini boşqaba qoyub süfrəyə verin. İstəyə görə üzərini kərə yağıyla yağlayıb,dilimləyib dilimləyib süfrəyə verə bilərsiniz.

NUŞ OLSUN😋.