Bu Dəfə Kartoflu : Kartoflu Gürzə Resepti

Azərbaycan mətbəxindən Xəngəl resepti.
Bir çox növü olan milli mətbəximizin ən dadlı xəmir xörəklərindən olan xəngəli kartoflu içliklə hazırlayaraq süfrəyə verə bilərsiniz. Mir.az sümbülvari bükülən kartof xəngəlinin reseptini təqdim edir.

Xəmiri hazırlamaq üçün 1 stəkan ilıq suya 1 çay qaşığı duz əlavə edib qarışdırın.
Xəmir yoğuracağınızı qaba un və duzlu suyu töküb qarışdırın və bərk xəmir yoğurun.
Xəmiri 2 hissəyə bölüb kündələyin və streç sellofana büküb yarım saatlıq soyuducuya yerləşdirin.
İçliyi hazırlamaq üçün yarım kq qabığı soyulmuş kartofu kiçik kub şəklində doğrayın və üzərinə isti su töküb bişməyə qoyun. (Bişən kartofun suyuna zövqə görə duz əlavə edə bilərsiniz. )
Soğanı xırda kub şəklində doğrayıb yağda qovurun.
Bişmiş kartofların suyunu süzüb püre halına gələnədək əzin.
Bir qaba kartof püresi, qovrulmuş soğan, duz, istiot, sarıkök, qırmızı bibər tozu, xırda doğranmış cəfəri və şüyüd əlavə edib yaxşıca qarışdırın.
Dəzgahın üzərinə azca un səpib kündəni oxlovla yayın. Daha sonra yaydığınız xəmirdən dairələr kəsin və dairələrə içlikdən bol-bol qoyub sünbül şəklində bükün.
Bükdüyünüz gürzələri qaynayan duzlu suya töküb bişirin.( Gürzələr suyun üzərinə qalxdıqda deməli hazırdır. )Kəfgirlə gürzələri sudan çıxarıb boşqaba qoyun. Eyni qaydayla digər kündəni də yayıb içliklə doldurun və büküb bişirin.
Xamalı sousu hazırlamaq üçün şüyüd və cəfərini xırda doğrayıb xama və ya qatığa əlavə edin. Üzərinə sürtgəcdən keçilmiş sarımsağı və duzu da əlavə edib qarışdırın.
Tomatlı sousu üçün bir qaba tomat pastası, duz, istiot, qırmızı bibər tozu, sürtgəcdən keçilmiş sarımsaq, xırda doğranmış şüyüd və 1 xörək qaşığı duru yağ əlavə edib qarışdırın. Üzərinə yarım stəkan ilıq su töküb duru sous hazırlayın.
Bişən gürzələri süfrəyə verdikdə üzərinə əridilmiş kərə yağı gəzdirib sosulara batıraraq yeyə bilərsiniz.

NUŞ OLSUN😋.