Azərbaycancaaz
Mir.az » Resept » Yeni İl Tortu Resepti

Yeni İl Tortu Resepti

487
asan resept,asan yemək resept,sadə resept
1035 calories, 10 grams fat
Yeni İl Tortu Resepti

Yemək Haqqında:

Türkiyə mətbəxindən Şirniyyat resepti.
Yeni il gecəsinin olmazsa olmazlarından biri də Yeni il tortudur. Yeni ilə sayılı günlər qala sevdiklərimizlə ləziz bir süfrə ətrafında toplanıb ağzımızı dadlandıran və görünüşüylə süfrəni rəngləndirən tort axtarışında oluruq. Mir.az görünüşüylə yeni ilin atributu şam ağacını xatırladacaq və uşaqları xoşbəxt edəcək Yeni il tortunun reseptini təqdim edir.

NEÇƏ NƏFƏR ÜÇÜN

10 nəfərlik

HAZIRLIQ VAXTI

30 dəqiqə

BİŞİRMƏ MÜDDƏTİ

35 dəqiqə

Tərkibi:

  • 1 stəkan un (200 qr)
  • 1 stəkan şəkər tozu (200 qr)
  • 1 çay qaşığı qabartma tozu (3 qr)
  • 3/4 stəkan (176 qr) otaq temperaturunda yumşaldılmış kərə yağı
  • 3 ədəd yumurta ağı
  • 1/2 stəkan xama (120 qr)
  • 1 çay qaşığı vanil ekstraktı (5 ml)
  • 1/2 stəkan süd (10 ml)
  • 1/2 çay qaşığı nanə ekstraktı (2,5 ml)

  • Qaymaqlı krem üçün:
  • 462 qr şəkər kirşanı
  • 228 qr kərə yağı
  • 1/2 stəkan yağlı qaymaq (120 ml)
  • 1 çay qaşığı vamil ekstraktı (5 ml)

  • Şam ağaclarını bəzəmək üçün:
  • 12 ədəd vafli konusu
  • 905 qr şəkər kirşanı
  • 545 qr kərə yağı
  • 1-2 xörək qaşığı süd və ya yağlı qaymaq (15-30 ml)
  • 1 çay qaşığı vanil ekstraktı (5 ml)
  • 20 damcı yağıl rəng qida boyası

Hazırlanma qaydası:

Biskviti hazırlamaq üçün bir qaba un, şəkər tozu, duz, soda və qabartma tozunu ələyin.
Başqa bir qaba kərə yağı, xama, süd, yumurta ağı və vanil ekstraktını töküb yaxşıca qarışdırın. Unlu qarışığı maye qarışığa birləşdirib mikserlə yaxşıca çalın. Xəmiri 3 hissəyə ayırın. Diametri 15 sm olan 3 ədəd soba qəlibini kərə yağıyla yağlayıb yüngül unlayın. Xəmiri qəliblərə bölüb əvvələcədən 170-175 dərəcə qızdırılmış sobada təxminən 30-35 dəqiqə bişirin. Bişən biskvitləri sobadan çıxarıb 4 dəqiqə qəlibdə saxlayıb daha sonra dəmir torun üzərinə qoyub soyudun.

Qaymaqlı kremi hazırlamaq üçün otaq temperaturunda yumşaldılmış kərə yağını,şəkər kirşanını və duzu mikserlə yaxşıca çırpın. Kremin yüngül olması üçün üzərinə 1 qaşıq süd əlavə edə bilərsiniz. Hazır kremi 2 hissəyə ayırıb bir hissəsinə yaşıl rəng qida boyası əlavə edin. Konditer torbasına həm ağ kremi, həm də yaşıl rəngli kremi yan-yana tökün. İlk biskvitə qarışıq kremdən dairəvi şəkildə sıxıb ikinci biskiviti üzərinə yerləşdirin. Eyni qaydada ikinci biskiviti də kremləyib üçüncünü yerləşdirin. Ağ rəngli kremi tortun üstünə və kənarlarına hamarlayaraq səliqəli şəkildə yaxın.

Vafli konuslarını iti bir bıçaq köməyi ilə 2 hissəyə ayırın. Krem üçün kərə yağı, şəkər kirşanı, süd və ya yağlı qaymağı, vanil ekstraktını və yaşıl rəng qida boyasını əlavə edib yaşıl krem hazırlayın. Tortun kənarlarına müxtəlif ölçülü vafli konuslarını batırıb üzərini yaşıl rəngli kremlə şam ağacı bəzəyi edin. Tortun üzəri üçün kiçik ölçülü vafli konuslarını da bəzəyib yerləşdirin. Üstündən şəkər kirşanı səpərək qar görünüşü verin. Hazır tortu bayram süfrəsinə verə bilərsiniz.


NUŞ OLSUN ?.



Şərhlər 0

Şərh Yaz
Hələ heç bir şərh yoxdur, lakin ilk şərhi yazan siz ola bilərsiniz!

Şərh Yaz