Emily Bronte - Fırtınalı Təpələr

İngiltərədə XIX əsrin ikinci yarısı (Viktoriya dövrü) orta təbəqənin yüksəlişini və dəbdəbəli həyat tərzinin dəbə çevrilməsini simvolizə edir. Brontë bacıları, qadınların ədəbiyyatla məşğul olmasının xoş qarşılanmadığı bu illərdə əvvəlcə kişi kimliyi ilə şeirlər yazmış, sonra öz adları ilə klassiklər arasında yer alacaq üç mühüm romana imza atmışlar. Emily Brontë 1848-ci ildə vəfat edəndə dünya ədəbiyyatının ən gözəl əsərlərindən birini - ilk və yeganə romanı olan "Fırtınalı Təpələr"i özündən sonra miras qoymuşdur. Bu Viktoriya dövrü romanı kiminə görə dünyanın ən böyük eşq romanı, kiminə görə hər oxunuşunda fərqli zövqlər verən əsrləri aşan bir əsər, ya da insanın içinə işləyən bir təhkiyə ilə dilə gətirilmiş uzun bir şeirdir. Ölümündən bir il əvvəl tamamladığı "Fırtınalı Təpələr"dəki obrazların sadəcə xəyal məhsulu şəxslər olmadığı, Brontënin ətrafındakı real şəxslərdən dərin izlər daşıdığı da bir həqiqətdir. Sevgi, kin, nifrət, qisas, ehtiras kimi güclü hisslərlə örülmüş bu gənclik hekayəsi, eyni zamanda xəstə bir eşqin hekayəsidir.