Özlem Anar - Aşiq Pişik

Özlem və İhsan Oktay Anarın evinə yerləşib oradan biz insanların
hal-hazırkı vəziyyətini danışan bir pişiyin macəraları…

“Bəzi insanların özləri üçün dediklərinin əksinə, əslində bizim pişiklərin həyatı romandır. Həm də nə roman! Ələddinin çırağı kimi sehrliyik. Əgər bizi bir az oxşasanız, içimizdəki cin, yəni biz özümüz, oyanar və sizə nağıl və ya hekayə pıçıldamağa başlayarıq. Hemingway, Dickens, Shaw, Poe kimi indi adlarını xatırlamadığım şəxslərin də pişiyi var imiş və onlar illərlə pişiklərinin pıçıldadığı hekayələrlə dolanışıq təmin ediblər. Əslində etdikləri plagiatdır! Amma biz pişiklər toxgözlü canlılarıq. Çox şey istəmirik: Bir az süd, bir az yem və ya ciyər; bir az da, ora-bura dağıtmağa icazə.”
Özlem Anar, Âşık Kedi-də bir pişiyin gözündən biz insanların qəribəliklərlə dolu dünyasını danışır. Hər pişik kimi çoxbilmiş bir pişikdir bu… Bəzən qucağımızda uzanıb mırıltısı ilə bizə təsvirolunmaz bir rahatlıq bəxş edir, bəzən də o iti dırnaqları ilə ruhumuzu cızmaqdan çəkinməyən bir pişik…
Âşık Kedi, bu fani dünyanı necə daha yaşanacaq bir yer edə biləcəyimizə dair ipucları verən bir romandır.
Pişiyimizin, İhsan Oktay Anarın heç bilinməyən tərəflərini öyrənmək istəyənlər üçün də çoxlu sürprizləri var.