Məktəbəhazırlıq qruplarında inklüziv təlimin təşkili - PDF

Məktəbəhazırlıq qrupunun əhəmiyyəti və əhatəsi. Müasir təhsildə ən aktual məsələlərdən biri uşaqların məktəb təliminə hazırlanmasıdır. Məktəbəhazırlıq dövrü əsasən 5-6 yaşlı uşaqları əhatə edir. Uşağın məktəbə hazırlığı dedikdə, onun məktəb həyatına fiziki, əqli, sosial, psixoloji hazırlığı və məktəbdə təlimə başlamaq üçün müəyyən ilkin bacarıq və qabiliyyətlərin inkişafı nəzərdə tutulur.

Müasir dövrdə ümumi təhsil müəssisələrində yeni məqsəd və təlim nəticələrinə yönəldilmiş məktəbəhazırlıq üzrə işin təşkili bu gün cəmiyyətin məktəbin qarşısında qoyduğu yeni tələblərə cavabdır. Məktəbəhazırlığın təşkilinin məqsədi isə uşaqların məktəb təliminə hazırlıqlı başlaması, təlim prosesinə öncədən alışması və onlarda müəyyən bilik, bacarıq vərdişlərinin formalaşdırılmasıdır. Məktəbəhazırlığın vəzifələri uşaqlarda oxumaq həvəsinin, məktəbə müsbət emosional münasibətin inkişaf etdirilməsi və möhkəmləndirilməsi, uşaqların məktəbə müvəffəqiyyətlə adaptasiya olunması üçün fərdi sosial xüsusiyyətlərin formalaşdırılmasıdır.