Turizmdə xarici dildə ünsiyyət - PDF

“Turizmdə Xarici Dildə ünsiyyət “ modulu müasir dövrdə nəzərə çarpan dərəcədə inkişaf etmiş bir sahə olan turizmdə tələbələrə ingilis dilini mənimsətmək məqsədilə tərtib edilmişdir. Nəyə görə turizm? Çünki artıq dünyanın hər yerində, eləcə də Azərbaycanda turizm üçün kifayət qədər iş yerləri mövcuddur.

Dil turist təsislərində və ya turistlərlə anlaşmaq üçün çox vacibdir. İngilis dili hazırda beynəlmiləl dildir. Buna görə də turist müəssisələrinin əksəriyyətində işçilərin ölkənin yerli dili ilə yanaşı, həm də dünyanın hər yerində insanların istifadə etdikləri bir dilə çevrilmiş olan ingilis dilində də danışmağı işəgötürənlərin əsas tələblərindən biridir.

İngilis dili müxtəlif ölkələrdən gələn qonaqlar üçün ən əsas ünsiyyət vasitəsidir. Əgər hər hansı bir oteldə və ya bir turizm müəssisəsində işə başlayan işçi ingilis dilində xidmət göstərməyi bacarırsa, onda müştərilər də hiss edəcək ki, həmin işçi hərtərəfli bacarıqlıdır və o işinin öhdəsindən
layiqincə gələcək .

Bu modul öz karyeranıza başlamaq üçün ehtiyacınız olan dil bacarıqlarına (xidmət zamanı istifadə olunan terminlər, lazımi məlumat, fəaliyətlər, çalışmalar) yiyələnmək üçün kömək olacaqdır. Bu modulda turizm sektoru üçün əsas terminlər vardır ki, siz bu terminləri hər mövzunun sonunda yazılmış olan fəaliyyətlər vasitəsilə (dialoqlar, rollu oyunlar və s.) daha da yaxşı öyrənə biləcəksiniz.