Bərpa Olunan Enerji Mənbələrinin Energetika Sisteminə inteqrasiyasında Hidroakkumulyasiya Elektrik Stansiyalarının rolu

Kitabda BOEM-in Energetika Sisteminə inteqrasiyası məqsədilə HAES-in tətbiqi üzrə təkliflə yanaşı, Avropanın mərkəzləşdirilmiş proqnozlaşdırma sistemi haqqında da məlumatlar yer alır.
Təqdim olunan bu kitabda Kür çayında fəaliyyət göstərən “Mingəçevir”, “Şəmkir”, “Yevlax” və “Varvara” SES-lərinin mövcud hidroenergetik potensialından və hidrotexniki qurğularının konstruktiv imkanlarından daha effektiv istifadə etməklə müstəqil HAES-in quraşdırılması və ya mövcud hidroaqreqatların çevrilən turbin-pump (nasos) rejiminə keçirilməsi yolu ilə Azərbaycanın Energetika Sisteminin texniki-iqtisadi göstəricilərinin yüksəldilməsi və Avropa energetika sistemi ilə birgə fəaliyyəti üçün əlavə imkanların yaradılması yolları da öz əksini tapmışdır.
Respublikanın elektrik enerjsnin 65-70%-ni istehlak edən Bakı kimi meqapolisin enerji təchizatı sistemində yaranan fasilələrin aradan qaldırılması üzrə BOEM-HAES-in birgə tətbiqi və şəhərin kateqoriyasına uyğun dairəvi elektrik təchizat sxeminin qurulması prinsipləri də kitabda yer almışdır.
Kitab mühəndis - texniki işçilər və tələbələr üçün əhəmiyyətli ola bilər.